بە پێی ڕاپۆرتی ئاژانسی هەواڵی مێهر، ڕێکخراوی هەواڵگری نیشتمانی تورکیا (مێت) لە ڕاگەیەندراوێکدا بانگەشەی ئەوەی کردووە کە "عەلی دینچەر" یەکێک لە فەرماندەکانی یەکینەکانی پاراستنی گەل (یەپەگە) لە ئۆپەراسیۆنێکی وردی ئەندامانی ئەم ڕێکخراوە لە ناوچەی قامیشلۆی سوریا کوژراوە .
ڕێکخراوی میتی تورکیا سەرلەبەیانی ڕۆژی چوارشەممە ٦ی پوشپەڕ سەبارەت بە ئۆپەراسیۆنەکانی لە قامیشلۆ کە دەکەوێتە ناوچەی باکوور و ڕۆژهەڵاتی سووریا ڕاگەیەندراوێکی بڵاو کردەوە.
لەم بەیاننامەیەدا هاتووە، عەلی دینچەر فەرماندەی یەپەگە کە لە لیستی سووری داواکراوانی ئینتەرپوڵدا بووە، لە کاتی ئۆپەراسیۆنێکی ورد لە ناوچەی قامیشلۆی سوریا کوژراوە.
ڕێکخراوی MET ی تورکیا ڕایگەیاند کە ئەو کەسە بە ناوی کۆدی "ئۆرحان بینگول" ئەندامی بەناو ئەنجومەنی بەڕێوەبردنی یەپەگە بووە.
لە کۆتاییدا ئەم ڕێکخراوە جەختی لەوە کردەوە کە "ئۆرهان بینگۆڵ لە ساڵی ١٩٩١ پەیوەندی بە پارتی کرێکارانی کوردستان (پەکەکە)ەوە کردووە و بەشداری زۆرێک لە چالاکییەکانی ئەم حزبە بووە."
